Charane Rakho…

આજના કળીયુગમાં શ્રીવલ્લભ-પ્રભુને એ જ પ્રાર્થના કે, આપણને સહુને શ્રીઠાકોરજીની પ્રાપ્તિ કરાવે ..!!!

સ્વર – શ્રી નિતિનભાઈ દેવકા, નિધીબેન ધોળકિયા.

ચરણે રાખો, શરણે રાખો, હે વલ્લભાધિશ વ્હાલા રે
શ્રીજીબાવાની સન્મુખ રાખો યમુનાજીના પ્યારા રે ..!

ઓ.. બ્રહ્મ સંબંધ કરાવ્યો, અમને સાચા વૈષ્ણવ માનો રે
કલિયુગના જીવોને ઉગાર્યા, પુષ્ટીમાર્ગ પ્રગટાવ્યો રે

સ્વરૂપ સેવા બતાવી અમને, ચંપારણ ના વાસી રે ..!

ઓ.. યમુનાષ્ટકનું ગાન કરું હું, સેવા તમારી આપોને
વ્રજ ચોરાસી પરિક્રમા કરીએ, એવા આશિષ આપોને
વૈષ્ણવજનના વ્હાલા પ્રભુજી, ઝાંખી શ્રીજીની કરાવો રે..!

ઓ.. મુખમાં લઈએ નામ શ્રીજીનું, યમુનાપાન કરાવો રે
અષ્ટાક્ષર જપ પળ-પળ જપીએ, લઈ તુલસીની માળારે
ચારે ધામ છે શ્રીજી ચરણમાં, વ્રજવાસ મુજને આપો રે..!

ચરણે રાખો, શરણે રાખો, હે વલ્લભાધિશ વ્હાલા રે
શ્રીજીબાવાની સન્મુખ રાખો યમુનાજીના પ્યારા રે ..!

હે વલ્લભાધિશ વ્હાલા રે… હે વલ્લભાધિશ વ્હાલા રે..!!

***