સાંવરિયો રે…

*

સ્વર – સોનાલી વાજપાઇ

શબ્દો – સ્વ. રમેશ પારેખ

આલ્બમ – તારી આંખનો અફીણી (સોલી કાપડિયા)

*

સાંવરિયાને જન્મદિને આ ગીત અર્પણ…!!

સ્વર – આરતી મુન્શી

આલ્બમ – હસ્તાક્ષર (શ્યામલ-સૌમિલ)

સ્વર – સાધના સરગમ

સાંવરિયો રે મારો સાંવરિયો

હું તો ખોબો માંગુ ને દઈ દે દરિયો !

જાણે અત્તર ઢોળાયું રૂમાલમાં

એવી લથપથ ભીંજાણી હું વ્હાલમાં

મારા વાલમનું નામ મારું નાણું

ભર્યા જીવતરને ગુલાલ જેવું જાણું

જાણું રે એણે ખાલી ઘડામાં ટહુકો કરીયો

ખોબો માંગુ ને દઈ દે દરિયો !

કોઈ પૂછે કે ઘર તારું કેવડું

મારા વાલમજી બાથ ભરે એવડું

આંખ ફડકે ઉજાગરાથી રાતી

ઝીણા ધબકારે ફાટ ફાટ થાતી

છબીલો મારો સાવ ભોળો ને સાવ બાવરિયો

ખોબો માંગુ ને દઈ દે દરિયો !

સાંવરિયો રે મારો સાંવરિયો

હું તો ખોબો માંગુ ને દઈ દે દરિયો !

***