રૂપલે મઢી છે…

ગીત: હરીન્દ્ર દવે (૧૯૬૮)
સંગીત: દિલીપ ધોળકિયા

લતાજી

*

ગુજરાત સમાચાર અને સમન્વય પ્રસ્તુત સંગીત સમારોહ સમયે, નવી પેઢીની – બન્ને ગાયિકાઓએ રજુ કરેલ આ ગીતનો આનંદ પણ એટલો જ માણવો ગમે છે જેટલો લતાજીનાં સ્વરને સાંભળવાથી માણી શકાય છે …!!

પરાગી પરમાર

*

દિપાલી સોમૈયા

શ્રીજી ભજનો પણ દિપાલીએ સુરીલા કંઠે રેલાવ્યા છે…….અને તાજેતર માં જ ઝી ટી. વી. પ્રસ્તુત “સા રે ગા મા” કાર્યક્રમમાં, ગુજરાત ટીમનું પ્રતિનિધિત્વ નિભાવી, પાર્થિવ ગોહેલ, પ્રાચી તથા દિપાલીએ સુંદર ગીતો રજુ કરેલ .

રૂપલે મઢી છે સારી રાત રે સજન
એનુ ઢૂંકડું ન હોજો પ્રભાત

સૂરજને કોઈ ઓલી મેર રોકી રાખો
હજી આદરી અધૂરી મ્હારી વાતરે..

રૂપલે મઢી છે સારી રાત રે સજન
એનુ ઢૂંકડું ન હોજો પ્રભાત

વેળા આવી તો જરા વેણ નાખું વાલમા
એક જરા મોંઘેરું કે’ણ નાખું વાલમા
ફેણ રે ચઢાવી ડોલે અંધારા દૂર.. દૂર..દૂર.. દૂર..
એની મોરલીને સૂરે કરું મ્હાત રે

રૂપલે મઢી છે સારી રાત રે સજન…

દિલના દરિયાવનાં ઊંડાણ જરા જોઈ લઉં
કેવા રે મોહાબ્બતનાં તાણ જરા જોઈ લઉં
મ્હારાં કિનારા રહો દૂર નિસ દૂર..દૂર.. દૂર.. દૂર..
રહો મજધારે મ્હારી મુલાકાત રે

રૂપલે મઢી છે સારી રાત રે સજન
એનુ ઢૂંકડું ન હોજો પ્રભાત…!!