સમન્વયની સફર

summer - 2M2O8-16Z - normal

***

આજે સમન્વયનો પ્રથમ જન્મદિન … 29ફેબ્રુઆરી 2008 ( મારા મમ્મીના શુભ જન્મદિને ) આ સાઇટ પ્રદર્શિત થઇ … અત્યાર સુધીની સફરમાં સમન્વયને અનેક વાંચક મિત્રોનો સારો પ્રતિસાદ મળ્યો. એ બદલ હું, આપ સહુ ની આભારી છું. આપના તરફથી જે સ્નેહ અને સાથ~સહકાર મળ્યો છે એ અવિરત આમ જ મળતો રહે એવી અભ્યર્થના…!!!

સમન્વય એટલે ભક્તિ, સંગીત અને સાહિત્યનો ત્રિવેણી સંગમ. ભક્તિ એ એવી પાવન સરિતા છે, જેના સ્પર્શ માત્રથી આત્માનું કલ્યાણ થઇ જાય છે. સંગીત એ એવું પવિત્ર ઝરણું છે, જેનાં વહેતા તરંગોથી અંતરનાં તાર રણઝણી ઉઠે છે. અને સાહિત્ય એવો સાગર છે, જેમાં કાવ્યો, સુભાષિતો, આલેખન સહ ગુજરાતી સુગમ સંગીત જેવા અનેક મોતી રત્નોથી ભરેલ છીપલાં છે. આ સરિતા – ઝરણા અને સાગર નો ત્રિવણી સંગમ એટલે મહાસાગર રૂપી સમન્વય. આ સમન્વય સાઇટ પર આપને ભક્તિ દર્શાવતા ભજન – કીર્તન તથા અન્ય પુષ્ટિમાર્ગીય માહિતી પ્રાપ્ત થશે. સાથે જ ભારતીય સુગમ સંગીતની રસલ્હાણ સચિત્ર માણવા મળશે. અને કાવ્યો, વાર્તા, લેખ જેવા વિવિધ સાહિત્ય પ્રકારો પણ વાંચવા મળશે.

મારા વિષે કહું તો, મૂળમાં ધર્મ, સંગીત અને સાહિત્ય પ્રત્યેની રૂચીએ મને આ સાઇટ બનાવવા પ્રેરી. બચપણથી જ મને વાંચન, લેખન, ગીત, સંગીત, નૃત્ય, ચિત્રકામ, ઇત્યાદિ કળાઓમાં ઉંડો રસ હતો પરંતુ નાની ઉંમરમાં જ થયેલ લગ્ન, સંયુક્ત પરીવારની કૌટુંબિક જવાબદારી તથા પરદેશમાં રહેવાની ફરજ – આ બધા પાસાઓથી તે બધી કળાઓ પૂર્ણ પણે ખીલી ના શકી. તેમ છતાં પણ તક મળે ત્યારે ચિત્રકળા હરિફાઇમાં ભાગ લીધો છે, નૃત્ય -ગરબાઓમાં ભાગ લીધો છે અને તેનું દિગ્દર્શન પણ કર્યું છે તો ક્યારેક નિર્ણાયકની ફરજ પણ નિભાવી છે. નાનપણમાં લેખ – વાર્તા – કવિતા લખી હતી .. વાંચન તો જાણે કે એક વ્યસન જ હતું , જ્યારે એક રાતમા બે-બે નવલકથાઓ વાંચી લેતી, તો લગ્ન પછી એક સમય એવો પણ હતો કે આફ્રિકામાં ત્યારે કોઇ જ સાહિત્ય ઉપલબ્ધ નહોતું ત્યારે ઘરનાં સભ્યો કે મિત્રો જ્યારે ભારતથી પરત આવતા, તો ત્યાંથી એમનાં ઇસ્ત્રી કરાવેલ કપડાઓ વચ્ચે મુકેલ કાગળના કટકાઓ મેળવીને વાંચતી..! આવી રીતે વાંચનની જિજીવિષા સંતોષાતી..!!!

સમય જતાં હવે તો કૉમ્પ્યુટરના માધ્યમ દ્વારા ગુજરાતી વાંચન – લેખન ખૂબ સરળ બન્યું છે. આમ જ એક દિવસ એક સહેલીએ ઇંટરનેટ પરના ગુજરાતી બ્લોગ જગતનો પરિચય કરાવ્યો …! સંદેશ, સ્ત્રી, ચિત્રલેખા,અકિલા વિગેરે તો હું વાંચતી જ નેટ પર, પરંતુ આ ગુજરાતી બ્લોગજગત મારા માટે નવું હતું. સહુ પ્રથમ એમણે મને રીડગુજરાતીની લિંક મોક્લાવી જેની વિઝિટ કરી હું ખૂબ પ્રભાવિત થઇ. તથા અન્ય ગુજરાતીબ્લોગ્સ જોઇ મારો લેખક જીવ જાગી ઉઠ્યો…સાથ સંગીત પ્રત્યેના લગાવને પણ એક રાહ મળી … એ ઉપરાંત ઘણા સમયથી એક ધાર્મિક વિચાર હતો કે હું એવુ કંઇક કરું કે જેનાથી કોઇને પણ પુષ્ટિમાર્ગનાં નિત્ય નિયમના પાઠ કે સ્તુતિ, ગુજરાતી-સંસ્કૃત વાંચવામાં તકલિફ પડતી હોય તો એ અંગ્રેજી લીપીમાં પણ લખીને મદદરૂપ થઇ શકું,પણ કોઇ દિશા સુઝતી નહોતી. પરંતુ એ વિચારનાં આઠ વર્ષ બાદ અચાનક જ મારે ‘ ચંપારણ ‘ જવાનું થયું ( જે ભગવદાચાર્ય શ્રી વલ્લભાધિશજીની જન્મભૂમી છે ) ત્યાં શ્રીમદભાગવત સપ્તાહમાં શ્રીયદુનાથજી મહારાજશ્રીની અમૃતવાણી સાંભળવાનો લાભ મળ્યો. એ વાણીના પ્રભાવથી અને એ પવિત્રભૂમીનાં સ્પર્શથી, એ પાવન વાતાવરણની અસરથી જ કોઇ અલૌકિક શક્તિથી મને પ્રેરણા મળી, જેને કારણે …23 ઑકટોબર 2006ના રોજ શ્રીજી અને સૂર-સરગમ નામનાં બ્લોગ્સનું સર્જન થયું, એ બન્ને બ્લોગ્સ તથા 10 નવેમ્બર 2007ના રોજ શરૂ કરેલ અનોખુંબંધન બ્લોગને વાંચકોનો સારો પ્રતિસાદ મળ્યો.

જ્યારથી શ્રીજી અને સૂર-સરગમ બ્લોગ્સ શરૂ કર્યા,ત્યારથી જ બ્લોગ્સને એક સ્વતંત્ર વેબસાઇટમાં રૂપાંતરિત કરવા માટે મારાં મમ્મી-પાપા, ભાઇ- બહેનો, પતિ- બાળકો, કુટુંબીજનો તથા મિત્રો-સહેલીઓનું પ્રેરકબળ સતત મળતું રહ્યું અને તેઓનાં પ્રોત્સાહનથી ‘ સમન્વય ‘ સાઇટનું સર્જન થયું. આ સાઇટ પર જે કંઇ દર્શાવ્યું છે, એ માટેનો હેતુ એ છે કે અત્યારનાં લુપ્ત થતા જતા ધાર્મિક સંસ્કારો પ્રત્યે બાળકોમાંધર્મ જાગૃતિ કેળવી શકાય તથા ભારતીય સુગમ સંગીત અને આપણી માતૃભાષા-ગુજરાતી ભાષા પ્રત્યે સન્માનની લાગણી જીવંત થાય અને રૂચી કેળવાય.

29 ફેબ્રુઆરી 2008ના રોજ ( મારા પૂજ્ય મમ્મીનાં શુભ જન્મદિને ) ” સમન્વય ” પ્રદર્શિત થઇ. આ સાઇટ બનાવતી વખતે ઘણી અડચણો આવી, ટેકનીકલ પ્રોબ્લેમ્સ પણ થયાં.. એક સમયે મેં સાઇટ બનાવવાનો વિચાર પણ પડતો મુકી દીધેલ. પરંતુ મારા દિયેર શ્રી અનુપ શાહ, શ્રી શિરીષ શાહ તથા મારા પ્રિય મિત્ર શ્રી નીરજ શાહના સતત પ્રોત્સાહન અને ટેકનીકલ મદદના કારણે જ સમન્વયને આપની સમક્ષ લાવી શકી. તેઓ સમન્વય નામનાં રથનાં સારથી બન્યા અને સમન્વય~રથ કાશીએ ( નેટ વિશ્વ ) પહોંચ્યો…!!!

ખરી રીતે સમન્વય બનાવવાનું શ્રેય એમને જ જાય છે ..!!

ઘણા લોકોએ મને પુછ્યું કે આ બ્લૉગ્સ – સાઇટ બનાવવાથી આપને શું લાભ થયો છે?

તો શ્રીજી -બ્લોગ વિષે કહું તો એના દ્વારા મને, પુષ્ટિમાર્ગીય ગુરૂદેવ, સર્વે વૈષ્ણવો તથા દરેક વડીલોનાં આશીર્વાદ પ્રાપ્ત થયાં છે. તથા એ દરેક વાંચક મિત્રો, કે જેઓ સમયના અભાવે કે પછી વિદેશ વસવાટને લીધે હવેલી કે મંદિરે જઇ શક્તાં નથી , તેઓ શ્રીજી બ્લોગ પર વિઝીટ કરીને પ્રભુ-ભક્તિ કર્યાંનો આનંદ પામે છે, તો કોઇ પોતાના વડીલોને સાઇટ પર મુકેલ શ્રીજીદર્શનની ઝાંખી કરાવે છે, કોઇ તો એમ પણ કહે છે કે, એમના સ્વાસ્થ્ય બદલ જે તકલીફ હોય છે, તેમાં એમને આ સાઇટ પર આવ્યાબાદ, ભજન કીર્તન સાંભળીને માનસિક શાંતિ મળી છે અને ઝડપી રિકવરી થઇ છે …. ! ત્યારે મને મારા આ કાર્યની મહેનત સાર્થક થયા બદલ સંતોષ પ્રાપ્ત થાય છે.

સૂર સરગમ માટે કહું તો સંગીતથી તો કોઇ જ અલિપ્ત રહી શકતું જ નથી અને સંગીતની કોઇ ભાષાજ નથી, તો પણ સંગીતની સૂરાવલી હર કોઇના મન પર અસર કરી જાય છે…જેનું ઉદાહરણ છે, શ્રોતાગણની સંખ્યા …! સાથે જ અનોખુંબંધન પર મારી સ્વરચિત રચનાઓ તથા મને ગમતી અન્ય રચનાઓ દ્વારા દરેક વાંચક મિત્રોનાં દ્રષ્ટિકોણ પણ જાણવા મળે છે. – કૈક નવું શિખવા પણ મળે છે…!

હાલમાં સમન્વય પર ૫૦૨ પોસ્ટસ અને  વાંચકમિત્રોની 4337 કૉમેંટસ છે, – 2006 થી અત્યાર સુધી મુલાકાતીઓની કુલ સંખ્યા આશરે 8179689 છે.

બ્લોગ્સ શરૂ કર્યા એ સમય દરમ્યાન પ્રેમાળ કુટુંબીજનો અને સ્નેહાળ મિત્રો સહેલીઓ ની શુભેચ્છાઓ તો મારી સાથે હતી જ ..પણ સાથે સાથે ઘણા બધા નવા મિત્રોની મિત્રતા મળી – સાથ સહકાર મળ્યો.. જે પામી ને ખરેખર એમ થાય છે આ દુનિયામાં આટલાં સાલસ અને સ્નેહાળ મિત્રોની મૈત્રી તો કોઇ નસીબદાર ને જ મળે..જે એક અમુલ્ય ભેટ છે મારા માટે..!!

અમુક મિત્રો-સહેલીઓ કે જેમાં નાં બહુ જ અલ્પ સંખ્યા માં કહી શકાય એવા મિત્રોની રૂબરૂ મુલાકાત થઇ છે, એમનાં વિષે તો જેટલું કહું એટલું ઓછુ જ છે….. ખરેખર એમનો સાથ સહકાર એ મારાં અહોભાગ્ય જ કહી શકાય..જ્યારે બીજી તરફ જે મિત્રો સહેલીઓ ને હું કદી મળી જ નહોતી છતાં પણ એમનો સ્નેહ મળ્યો છે અને એમની પાસેથી હંમેશા સ્નેહ સહિત પ્રેરણા મળતી રહી…!

…કોઇએ દીકરી, તો કોઇએ નાનીબહેન બનાવી..તો વળી કોઇએ દીદી કહી…!! .. કેવા કેવા ઋણાનુબંધ બંધાઇ ગયા બધા જોડે..!!…ક્યારેક આ બધા સંબંધો વિષે વિચાર આવે છે તો થાય છે કે કેવા નિરપેક્ષ છે આ બધા બંધનો…!!….કદાચ આને જ તો કહેવાય અનોખુંબંધન…!!!…

અહીં બધા જ સ્નેહીઓ અને મિત્રોની નામાવલી મુક્વા માટે આ જગ્યા ખૂબ જ નાની પડે .એથી તમામ સ્નેહીજનો તથા મિત્રોનો હું ખરા અંત:કરણ પુર્વક આભાર માનું છું..જેમણે કાયમ પ્રત્યક્ષ કે પરોક્ષ રીતે સહકાર આપ્યો છે..!.. અને આગળ પણ આવો જ સ્નેહ ભર્યો સાથ મળતો રહે ..એવી અભ્યર્થના…!!

***

bottom musical line

59 Responses to સમન્વયની સફર

  1. Happy Birthday.
    Keep doing good work.
    Love from Trivedi Parivar

  2. Hope you keep enjoying work you do.
    Best of luck.

    Trivedi Parivar

  3. Chirag Patel says:

    ખુબ ખુબ અભીનન્દન. આમ જ પ્રભુનો ગુલાલ વહેંચતા રહો એવી શુભેચ્છા.

  4. jugalkishor says:

    સમન્વય તો ક્ષણેક્ષણનો વીષય છે, એને માટે ત્રણ વરસ રાહ જોવાય ? તમે આ સાઈટ દ્વારા સાહીત્ય–સંગીતની ભક્તી કરી છે ને ભક્તીનું સાહીત્ય–સંગીત પીરસ્યું છે. આ સેવા બ્લોગજગત પર મહામુલી બની રહેશે – નહીં, બની રહી છે.

  5. JIgnesh says:

    Really good work, your efforts are commendable.

    In the times, when a person do not have sufficient time for himself, its really good to think this and have a website content of which is really fantastic.

    Good to know about u. Please give my wishes of birthday to your mother.

    Regards

  6. Pinki says:

    ચેતુદીદી….
    ખૂબ ખૂબ અભિનંદન !!

  7. Pinki says:

    ફોન પર તો મળીશું જ ……

  8. Ashok says:

    ખુબ ખુબ અભિનંદન…. પ્રગતિના સોપાન સર કરો….

  9. ચેતના બેન, ખરેખર તમોને ખુબ ખુબ અભિનન્દન,અને જન્મદિવસ ની હાર્દિક શુભેચ્છાઓ. તમારો બ્લોગ વાંચી ઘણૉ આનન્દ થયો. કાંઇક નવું વાંચવા મળયા નો ઐહ્સાસ થયો. ધન્યવાદ્.

  10. Ketan Shah says:

    Happy Birthday – ‘SAMNVAY’

    Congratulations

    Keep it up !!!!

  11. Arun says:

    A belated HAPPY BIRTHDAY Dear Chetnaben.
    Many Many Congratulations from the Bottom of my Heart.
    You are always remembered even when I am not in Touch.
    Jai Shree Krishna and a very Happy HOLY HOLI.

  12. Maheshchandra Naik says:

    BELATED HAPPY BIRTHDY & ALL THE BEST TO YOU & FAMILY IN COMING YEARS.
    CONGRATULATIONS!!!!!!!!!!!!!!!!!!!!!!!!!
    PLEASE CONTINUE TO GIVE US “aanad” WITH GUJARATI sangeet & sahitya

  13. Very Good Site Keep Going & All the Best

  14. Ashalata says:

    ઘણી ઘણી શુભેચ્છા
    વાચકોને નવી નવી વાનગી ગીતરુપી પીરસતા રહો———

  15. Prexa Rathod says:

    Belated Happy Birthday !

    I cann’t express my feeling thru emails that, how much I am happy about finding out about this site. I was listning your bhajans when I was 17 years in India but from last ten years I haven’t heard any. Suddnly today I found this. I just love this site. Could you please load that bhajan ‘GOKUL NI GAO BOLE SHREE KRISHN SHARNAM ‘ I just love that bhanjan. Lots of Love prexa

  16. Kaushik says:

    ખુબ ખુબ અભિનંદન અને જન્મદિવસ ની હાર્દિક શુભેચ્છાઓ
    Great effort with research oriented approach…Keep it up..

  17. nilam doshi says:

    સમન્વયની સફર ફરી એકવાર..ઘણાં સમય પછી એકીસાથે ઘણું બધું જોયું..વાંચ્યું..માણ્યું.

    અભિનંદન..હા..આપણા મમ્મીનો જન્મદિવસ હવે યાદ રાખીશ.

  18. sunder samanvay
    khub khub abhinandan

  19. "માનવ" says:

    ખુબ જ સરસ…

    ખુબ જ સરસ સમન્વય કરવા નો પ્રયાસ…

    “માનવ”

  20. Sonal Desai says:

    It’s very good web site – keep it up
    We have a Dolotasave in our city if you have rasiya/songs/kirtan. pl e mail me or you can put at your web site so i can prepare them and perform.
    Thanks – JAYSHRIKRISHANA

  21. krunal G Goswami says:

    hi chetna g this is krunal from rajkot gone through ur safar,and wish u very bright future for the coming days,nice to see that a person is really working something innovative,bye bye

  22. sneha patel says:

    ખુબ જ સરસ બ્લોગ છે દીદી… કોન્ગ્રેટ્સ. હજુ શાંતિ થી આવીશ બીજી વાર

    સ્નેહા પટેલ

  23. Deepak Kakkad says:

    વેરી ગૂડ વર્ક ચાલુ રાખજો વારંવાર આવવાનું મન થાય તેવું છે જરૂર થી ફરી ને ફરી મળીશું અભિનંદન અને જયશ્રી કૃષ્ણ

  24. સમન્વય એ ખુબ સરસ બ્લોગ છે. ઘણીવાર તેની મુલાકાત લીધી

    ખુબ ખુબ અભિનંદન
    જાય શ્રી કૃષ્ણ

  25. ghanshyam says:

    શુભેચ્છા
    ખુબ ખુબ અભિનંદન
    ઘનશ્યામ
    http://ghanshyam69.wordpress.com/

  26. Rasik Bapodara says:

    સરસ મજાની વેબ સાઈટ છે જોઈને અનાદ થયો.

  27. Harish says:

    Though till this moment I know you through your sweet voice.
    Nilam knows it.Why only Nilam..u too know it.
    But today I had a chance, with a grace of GOD, to hear your inner voice too.
    Let me confess,honestly,your inner voice is much more sweet.

  28. Rajendra says:

    નામસ્કારજી…
    રાધે..રાધે..રાધે..

    સમન્વય ને મારા ખુબ ખુબ અભિનંદન અને હાર્દિક શુભેચ્છાઓ…
    આજે પ્રથમ વખત જ આ site ખોલી ને જોઈ ખુબજ ગમી અને વાંચી ને ખુબ આનંદ થયો..શ્રીજી મહારાજ…શ્રી હરિ.. આપને ખુબ સારી વિચાર શક્તિ આપે જેથી અમને તેનો લાભ મળી રહે.
    રાધે..રાધે..રાધે..

  29. Rajendra says:

    સંવત ૨૦૬૬ (ઈ.સ. ૨૦૦૯-૨૦૧૦) વર્ષ ના આપ સર્વે ના સહકાર બદલ ખુબ ખુબ આભાર….એવોજ અને તેના થી વધુ સહકાર સંવત ૨૦૬૭ ના વર્ષ માં મળશે એવી આશા સાથે…

  30. anil chokshi says:

    chetana
    Best effort to live our tradition & pushtimarg.People like u only keep it live.Since i am so far from my home land,i use to visit website,www.alkapurihaveli.org to view all darshan.Hence i feel that i am in front of “shreegovardhannathji”.Once again god bless u.
    jaishreekrishan(JSK)

  31. DHIMANT YAGNIK says:

    આદરણીય હોસ્ટ ,
    શું વાત કહું. હું પહેલી વાર નોકરી ના કામ થી ઇન્ડિયા ની બહાર આવ્યો છું. કૈંક સારું વાંચવા ના આશય થી મેં આ બ્લોગ સર્ચ કર્યો અને તમારું મ્યુઝિક સાંભળી ને મન ને એટલી શાંતિ મળી કે વાત ના પૂછો ! ખૂબ ખૂબ અભાર.મને મેમ્બેર બનાવશો તો કૃપા થશે.અહી કતાર માં હું મારા પરિવાર ને બહુ મિસ કરું છું. હું લઆર્સેન અને ટુબ્રો વડોદરા માં કામ કરું છું.મારી કમ્પની ના કામ થી ત્રણ મહિના માટે કતાર માં છું.મને જરૂર થી મેમ્બેર બનાવશો . આભાર. ધીમંત યાગ્નિક.

  32. ચેતના બેન તમને અને તમારા પરિવારને સમન્વયની ત્રીજી સર્જન તિથી માટે લાખ લાખ અભિનંદન . શ્રીજી બાવાના આશીર્વાદથી આપ વધુને વધુ સફળતાના શિખરો સર કરશો .

  33. sorry 4 late , સમન્વય ને જન્મદિવસ ની ઘણી ઘણી શુભેછા ,ઠાકોરજી આપને સુંદર કાર્ય માં હમેશા પ્રેરણા આપતા રહે .

  34. naresh dodia says:

    સમન્વયની સફર ફરી એકવાર..ઘણાં સમય પછી એકીસાથે ઘણું બધું જોયું..વાંચ્યું..માણ્યું.

    અભિનંદન

  35. ચેતુબેન,
    આપની વેબ-સાઈટની મુલાકાત લીધી, ખૂબ સરસ પ્રયાસ છે.
    આપે દરિયાપાર પણ આપણી સંસ્કૃતિ અને સાહિત્યને જીવંત છે રાખ્યાં છે તે બદલ આપને ખૂબ ખૂબ અભિનંદન
    -પિનાકી મેઘાણી
    http://www.jhaverchandmeghani.com
    facebook.com/pinakimeghani

  36. Anand says:

    ચેતના

    સરસ . તારી સાથે વાત કરીને ઘણોજ આનંદ થયો.

    સુંદર .Nice web site. Beautiful Music.

    આનંદ ઘીયા.

  37. અભિનંદન !
    મોડો પડ્યો !
    પણ… જ્યારે આજે આવ્યો ત્યારે “ચેતના” ને “ચેતુ” કહેતા અચકાતો નથી !
    …..ચંદ્રવદન
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Best Wishes Always !

  38. Mrs Purvi says:

    મોડું થયું પરંતુ એટલું મોડું નથી થયું કે પાછા ન ફરી શકાય વિતેલા દિવસોની યાદ જો સુંદર હોય તો તે દિવસોને ગમે ત્યારે પાછા વાળી તેને હૃદયમાં રાખી શકાય છે. સમન્વય સાથે આ સુંદર સમન્વય અમારો થતો જ રહે તેવી શુભેચ્છા સહ…..

  39. MEHTA HARISH says:

    Respected Madam,
    It is really a tremendous efferts been put up by u for this site and I really admire yr.creativity and the efferts of all collection of each site.We all family member pray to Shreejibawa that his blessings always remain with u and all yr.family members and the team. JaiShreeKrishna…………..Harish Mehta,Ahmedabad

  40. ભજમન says:

    સમન્વયની સાધના અવિરત ચાલુ રહે તેવી શુભેચ્છા!.

  41. Pradeep Chikani says:

    આના માટે હું માત્ર એટલું જ કહીસ કે અભિવ્યક્તિ માટે તો ૧૦૦૦ પાના પણ ઓછા પડે …..સરસ …….

  42. Sejal says:

    Happy Birthday to Samanvay !
    Awesome !

  43. સરસ. હાર્દિક અભિનંદન.
    જન્મદિવસ ની શુભકામનાઓ સાથે.

  44. prakash soni says:

    ચેતુજી,
    ખુબ ખુબ અભિનંદન અને હાર્દિક શુભ કામનાઓ સાથે અભાર કે આપે એક અનોખી અનુભૂતિ કરાવી આપના આ સમન્વય સાથે..અતિ ઉત્તમ કાર્ય અને રચનાઓ .. સંગીત અને લેખન થી ભરપુર આ સમન્વય ને નત મસ્તકે વંદન..!

  45. dolat vala zamrala +૯૧૯૩૭૪૮૯૩૨૦૫ says:

    જીવન એજ સંગીત સંગીત એજ જીવન

  46. Parth Vankani says:

    Dear Chetna masi ,

    I wana let u know a few things –

    Thank you for the wonderful nd extraordinary functions and parties .
    U r a very gud person @ managing events . U successfuly managed the event of Tejas bhai nd mira bhabie’s wedding nd other functions ancillary to it .
    Despite havin certain problems , u made the wedding the perfect one.
    I m writing this to let u know how important is ur place… in shah Family , which was noticed @ the event .
    Your speech was mindblowing and very heart touching .
    Your care and concern for Mira bhabie as a daughter and not as daughter-in-law has set a Benchmark for the rest of the mother-in-laws .
    Ur DEADLY HARDWORK nd UTMOST DEDICATION of around 8-10 months towards the event made it more than a FESTIVAL .
    U wud b surprised to learn that i missed out my Diwali due to my CA exams , bt the happiness of attending Tejas bhai’s marriage is much more than my not enjoying Diwali !!!
    U nd Hanin masa r very kind nd Generous which was witnessed by EVERYONE all the tym @ aamby valley .
    Its nt a small thing to arrange such a GRAND CEREMONY .
    The entire CREDIT of the event goes to u Chetna Masi as u made it a successful event.
    This function of 5 days was nt less than a FESTIVAL !
    Its because of u dat the Start of 2013 was a Grand Hit for everyone .
    Chetna masi , may u and ur family b blessed with all the happiness nd riches in the world .
    Everyone enjoyed each and every function to the fullest .
    A woman plays various roles in a family and despite that also u took utmost care of the functions and did everything for the guests .
    We enjoyed a lot @ aamby valley for which we are very grateful to U and Hanin Masa .
    Even ur family members were very kind and the management by U and ur Family Members was excellent and exceptional .
    It doesn’t matter whether anyone praises u or criticize u , bt it is for sure that everyone understands it in their minds dat u made this MARRIAGE FESTIVAL a GRAND AND ROYAL HIT .
    I must say ” Hats Off To U nd Hanin Masa ” .
    Cheers to the newly wedded couple – ” Tejas bhai and Mira Bhabhie ”

    – Parth vankani

  47. sweta says:

    અંતર થી ખુબ ખુબ શુભેચ્છા આજ તો હવે ૧ નહિ ૪ વર્ષ પુરા થયા……….બસ આપની આ યાત્રા અવિરત ચાલતી રહે તે જ ઈશ્વર ને પ્રાર્થના …….ખુબ ખુબ પ્રગતી કરો તે જ શુભાશિષ.

  48. Ramesh Patel says:

    ખૂબ જ સુંદર, આપનો બ્લોગ મનોહર ને સાથે સાત્વિક સૌરભથી છલકતો છે. ..ખૂબ ખૂબ અભિનંદન.

    રમેશ પટેલ(આકાશદીપ)

  49. Neela says:

    Ghani ghani shubhechhchhao.

  50. Dilip Gajjar says:

    આદરણીય દૈવી ભાવયુક્તા ચેતુબેન,
    આપની વેબસાઈટ ખુબ જ ભવ્ય બની છે અને જે વિષયોનો આપે સમન્વય સાધ્યો છે તે ભક્તિ સાહિત્ય અને સંગીત પણ કૃતાર્થતા અનુભવતા હશે..અહી આવી અવલોકન કરતાં એક દિવ્ય ઓરા ્પવિત્ર વાતાવરણ અનુભવાય અને આપની ભાષા સમજ સંસ્કારથી અવશ્ય આપના ્સંસ્કાર ચિંચક માતાપિતા વડીલોને માટે આદર ઉભો થાય છે. આજના કરાળ કાળમાં આવા વિષયોમાં રસ એ ખુબ જ વિશેષ વાત છે અને રેગ્યુલર અપડેટ કરતા રહેવું અનોખી લગન અને તીવ્ર ઉત્સાહ ભાષા પ્રેમ અનુભવ પરિશ્રમ માંગી લે છે.. એ ઉપરાંત આપની રુચી પણ સાહિત્ય, સંગીતમાં અને ભક્તિમાં ગહનતર છે જે આપના બહુઆયામી પાસા દર્શાવે છે..આપનિ સાઈટ્માં યત્કિંચિત પણ મને મારી નીપૂણતા આપી કાર્ય કરવા મળ્યું તે મારી ‘સ્વકર્મણા ત્વમ અભ્ય્ર્ચ્યં ભક્તિં વિન્દતે માનવાઃ’કૃષ્ણવચન અનુસાર પરમને અર્ચનાની જ તક માનું છું.. આપની સાઈટના ૮ વર્ષ પુરા થયાં…આપની આ સફરનું સાતત્ય અફર રહે એજ અંતઃકરણની પ્રાર્થના.

    • Chetu says:

      આપના આટલા સુંદર પ્રતિભાવ બદલ આભાર માનવા શબ્દો નથી, પરંતુ આપ સહુ જેવા મિત્રોના સાથ સહકારથી સમન્વયની સફર મંગલમય બની છે.. આગળ પણ સહુનો આવી રીતે જ સાથ મલતો રહે એવી અભ્યર્થના.!

  51. Nikita shah says:

    Happy birthday aunty . God bless you.

  52. Tejal Sheth says:

    Happy birthday to SAMNVAY. …

  53. pragnaju says:

    સાત્વિક સાહિત્ય–સંગીત -કળા- ભક્તિ નો અમુલ્ય સમન્વય માણતા ભાવુક થઇ જવાય.
    એક વાર મેં કહ્યું કે આવી પોસ્ટ રોજ પ્રગટ થતી હોય તો ?
    અમારા વડીલ કહે-‘રસના ચટકા હોય-કુંડા ન હોય !’
    માતુશ્રીને શુભેચ્છાઓ સહ વંદન – અભિનંદન
    યાદ ૨૯ મી ફેબ્રુઆરીએ. મોરારજીભાઇ દેસાઇ.ની જન્મ જયંતી- દર ચાર વર્ષે આવે છે
    તેથી તેમના ૧૦૦મા વર્ષે તેઓને ૨૫ વર્ષના ગણેલા
    .એ રીતે સમન્વયનો ત્રીજા વર્ષમા પ્રવેશે અભિનંદન

Type a word in English and press SPACE to transliterate. Press CTRL+G to switch between English and Gujarati.

Thanks for supporting & encouraging me with your precious comments.

bottom musical line

Facebook Comments

comments

Leave a Reply

Your email address will not be published. Required fields are marked *