Stuti – Aarti…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

આ સ્તુતિ તથા આરતી મોક્લવા બદલ મિત્રો શ્રી અશોકભાઇ પટેલ (મોરબી) તથા શ્રી કેતનભાઇ શાહ (વડોદરા)નો તેમજ શબ્દો મોક્લવા બદલ શ્રી દક્ષેશભાઈ(USA)નો ખૂબ ખૂબ આભાર.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

વિશ્વંભરી અખિલ વિશ્વ તણી જનેતા,
વિદ્યાધરી વદનમાં વસજો વિધાતા;
દુર્બુદ્ધિ દૂર કરીને સદબુદ્ધિ આપો
મામ્ પાહિ ઓ ભગવતી ! ભવ દુઃખ કાપો.
Vishvambhari akhil vishwa tani janeta,
Vidhya dhari vadan ma vasajo vidhata;
Dur-budhhi ne door kari sad-buddhi apo,
Maam paahi Om Bhagavati Bhava-dukha kapo.

ભૂલો પડી ભવરણે ભટકું ભવાનિ,
સુઝે નહિ લગીર કોઇ દિશા જવાની;
ભાસે ભયંકર વળી મનના ઉતાપો,
મામ્ પાહિ ઓ ભગવતી ! ભવ દુઃખ કાપો.
Bhulo padi bhava-rane bhataku Bhavani,
Sujhe nahi lagir koi disha javani;
Bhaase bhayankar vali man na utapo,
Maam paahi Om Bhagavati Bhava-dukha kapo.

આ રંકને ઉગરવા નથી કોઇ આરો,
જન્માંધ છું જનની હું ગ્રહી બાંહ્ય તારો,
ના શું સુણો ભગવતી શિશુના વિલાપો,
મામ્ પાહિ ઓ ભગવતી ! ભવ દુઃખ કાપો.
Aa rankne ugarava nathi koi aaro,
Janmaandh chhu Janani hu grahi baah taro;
Naa shu suno Bhagawati shishu naa vilaapo,
Maam paahi Om Bhagavati Bhava-dukha kapo.

મા કર્મ જન્મ કથની કરતાં વિચારું,
આ સૃષ્ટિમાં તુજ વિના નથી કોઇ મારું,
કોને કહું કઠિન યુગ તણો બળાપો,
મામ્ પાહિ ઓ ભગવતી ! ભવ દુઃખ કાપો.
Maa karma janma kathni karta vicharu,
Aa shrushti ma tuj vina nathi koi maru;
Kone kahu kathin yog tano balaapo,
Maam paahi Om Bhagavati Bhava-dukha kapo.

હું કામ ક્રોધ મદ મોહ થકી છકેલો,
આડંબરે અતિ ઘણો મદથી બકેલો,
દોષો થકી દુષિતના કરી માફ પાપો,
મામ્ પાહિ ઓ ભગવતી ! ભવ દુઃખ કાપો.
Hoon kaam, krodh, mad-moh thaki chhakelo,
Aadambare ati ghano mad thi bakelo;
dosho thaki dushit na kari maaf paapo,
Maam paahi Om Bhagavati Bhava-dukha kapo.

ના શાશ્ત્રના શ્રવણનું પયપાન પીધું,
હા મંત્ર કે સ્તુતિ કથા નથી કાંઇ કીધું,
શ્રદ્ધા ધરી નથી કર્યા તવ નામ જાપો,
મામ્ પાહિ ઓ ભગવતી ! ભવ દુઃખ કાપો.
Naa shashtra na shravan nu paipaan kidhu,
naa mantra ke stuti katha nathi kai kidhu;
Shradhha dhari nathi karya tav naam jaapo,
Maam paahi Om Bhagavati Bhava-dukha kapo.

રે રે ભવાનિ બહુ ભૂલ થઇ જ મારી,
આ જિંદગી થઇ મને અતિશે અકારી,
દોષો પ્રજાળી સઘળાં તવ છાપ છાપો,
મામ્ પાહિ ઓ ભગવતી ! ભવ દુઃખ કાપો.
Re re Bhavani bahu bhool thayi ja mari,
Aa jindagi thai mane atishe akaari;
Dosho prajaali saghala tava chhaap chhapo,
Maam paahi Om Bhagavati Bhava-dukha kapo.

ખાલી ન કાંઇ સ્થળ છે વિણ આપ ધારો,
બ્રહ્માંડમાં અણું અણું મહીં વાસ તારો,
શક્તિ ન માપ ગણવા અગણિત માપો,
મામ્ પાહિ ઓ ભગવતી ! ભવ દુઃખ કાપો.
Khaali na koi sthal chhe vina aap dharo,
Bhrahmand ma anu-anu mahi vaas taro;
Shakti na maap ganava aganita maapo,
Maam paahi Om Bhagavati Bhava-dukha kapo.

પાપે પ્રપંચ કરવા બધી વાતે પૂરો,
ખોટો ખરો ભગવતી પણ હું તમારો,
જાડ્યાંધકાર કરી દૂર સુબુદ્ધિ આપો,
મામ્ પાહિ ઓ ભગવતી ! ભવ દુઃખ કાપો.
Paape prapanch karva badhi vaate puro,
Khoto kharo Bhagvati pan hu tamaro;
Jadyandhakaar kari door sad-budhhi aapo,
Maam paahi Om Bhagavati Bhava-dukha kapo.

શીખ સુણે રસિક છંદ જ એક ચિત્તે,
તેને થકી ત્રિવિધ તાપ ટળે ખચિત્તે,
વાઘે વિશેષ વળી અંબ તણા પ્રતાપો,
મામ્ પાહિ ઓ ભગવતી ! ભવ દુઃખ કાપો.
Sheekhe sune Rasik Chhanda ja ekk chitte,
Tena thaki trividh taap tale khachitte;
Vaghe vishesh vali Amba tana prataapo,
Maam paahi Om Bhagavati Bhava-dukha kapo.

શ્રી સદગુરુ શરણમાં રહીને યજું છું,
રાત્રિદિને ભગવતી તુજને ભજું છું,
સદભક્ત સેવકતણા પરિતાપ ચાપો,
મામ્ પાહિ ઓ ભગવતી ! ભવ દુઃખ કાપો.
Shri sad-guru sharan ma rahine bhaju chhu,
Raatri dine Bhagvati tujne bhaju chhu;
Sad-bhakt sevak tana paritaap chaapo,
Maam paahi Om Bhagavati Bhava-dukha kapo.

અંતર વિષે અધિક ઉર્મિ થતાં ભવાનિ,
ગાઉં સ્તુતિ તવ બળે નમીને મૃડાણી,
સંસારના સકળ રોગ સમૂળ કાપો,
મામ્ પાહિ ઓ ભગવતી ! ભવ દુઃખ કાપો.
Antar vishe adhik urmi thata Bhavani,
Gaun stuti tava bale namine mrudaani;
Sansaar na sakal rog samoola kapo,
Maam paahi Om Bhagavati Bhava-dukha kapo.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

જય આદ્ય શક્તિ મા જય આદ્ય શક્તિ
અખંડ બ્રહ્માંડ દીપાવ્યા, પડવે પ્રકટ્યા મા … ઓમ
Jay Adhya shakti Maa jay Adhya shakti
Akhand brahmand dipaavya, padve pragatya Maa .. Om.

દ્વિતીયા બે સ્વરૂપ, શિવ શક્તિ જાણું
બ્રહ્મા ગણપતિ ગાવે, હર ગાયે હર માં … ઓમ
Dvitiya be swarup Shivshakti janu(2)
Brahma Ganapati gaave(2) har gaave har Maa….Om

તૃતિયા ત્રણ સ્વરૂપ, ત્રિભુવનમાં બેઠા
ત્રયા થકી તરવેણી તું તરવેણી માં … ઓમ
Tritiya tran swarup tribhuvan ma betha(2)
Traya thaki Tarveni(2) tu Tarveni Maa….Om

ચોથે ચતુરા મહાલક્ષ્મી મા, સચરાચર વ્યાપ્યા
ચાર ભૂજા ચૌ દિશા, પ્રકટ્યા દક્ષિણમાં … ઓમ
Chothe chatura Mahalaxmi Maa sachrachar vyapya(2)
Chaar bhuja chou-disha(2)pragatya dakshin Maa…Om

પંચમે પંચ ઋષિ, પંચમી ગુણ પદ્મા
પંચ તત્વ ત્યાં સોહીએ, પંચે તત્વોમાં … ઓમ
Panchami panch rushi panchmi gun padma(2)
Panch sahastra tya sohiye(2) Panche tatvo Maa..Om

ષષ્ઠી તું નારાયણી, મહિસાસુર માર્યો
નર નારીના રૂપે, વ્યાપ્યા સર્વે મા … ઓમ
Shashthi tu Narayani Mahisasur maryo(2)
Narnari na roope(2) vyapya saghde Maa….Om

સપ્તમી સપ્ત પાતાલ, સાવિત્રી સંધ્યા
ગૌ ગંગા ગાયત્રી, ગૌરી ગીતા મા … ઓમ
Saptami sapta patal sandhya Savitri(2)
Gau Ganga Gayatri(2) Gauri Geeta Maa….Om

અષ્ટમી અષ્ટ ભૂજા, આઈ આનંદા
સુરિ નર મુનીવર જનમ્યા, દેવ દૈત્યોમાં … ઓમ
Ashthami ashth bhuja aayi ananda(2)
Sunivar munivar janamya(2) Dev daityo Maa….Om

નવમી નવકુળ નાગ, સેવે નવદુર્ગા
નવરાત્રીના પૂજન, શિવરાત્રીના અર્ચન, કીધા હર બ્રહ્મા … ઓમ
Navmi nav kul naag seve Nav Durga(2)
Navratri na poojan Shivratri na archan kidha har Brahma…Om

દશમી દશ અવતાર, જય વિજયા દશમી
રામે રામ રમાડ્યા, રાવણ રોળ્યો મા … ઓમ
Dashmi dash avtaar jay Vijyadashmi(2)
Rame Ram ramadya(2) Ravan rodyo Maa….Om

એકાદશી અગિયારસ, કાત્યાયની કામા
કામદુર્ગા કાલિકા, શ્યામા ને રામા … ઓમ
Ekadashi agiyaras katyayini kama (2)
Kaam Durga Kalika(2) Shyaama ne Raama….Om

બારસે બાળા રૂપ, બહુચરી અંબા મા
બટુક ભૈરવ સોહીએ, કાળ ભૈરવ સોહીએ, તારા છે તુજ મા … ઓમ
Baarse bala roop Bahuchari Ambe Maa(2)
Batuk bhairav sohiye, kaal bhairav sohiye, taara chhe tuj Maa…Om

તેરસે તુળજા રૂપ, તમે તારુણી માતા
બ્રહ્મા વિષ્ણુ સદાશીવ, ગુણ તારા ગાતાં … ઓમ
Terse tulja roop tame Taruni Maata(2)
Brahma Vishnu sada Shiv(2) gun tara gata….Om

ચૌદશે ચૌદ સ્વરૂપ, ચંડી ચામુંડા
ભાવ ભક્તિ કંઇ આપો, ચતુરાઇ કંઇ આપો, સિંહવાહીની મા … ઓમ
Chaudashe chauda swaroop Chandi Chamunda(2)
Bhhav bhakti kai aapo, chaturai kai aapo, Sinhvahini Maa …Om

પૂનમે કુંભ ભર્યો, સાંભળજો કરુણા
વશિષ્ઠ દેવે વખાણ્યા, માર્કંડ દેવે વખાણ્યા, ગાઇએ શુભ કવિતા … ઓમ
Pooname kumbh bharyo sambhadjo karuna(2)
Vashishtha deve vakhanya, Markand deve vakhanya, gaaye shubh kavita….Om

સંવત સોળ સત્તાવન, સોળસે બાવીસમાં
સંવત સોળે પ્રગટ્યા, રેવાને તીરે, મા ગંગાને તીરે … ઓમ
Savant sod satavan solse baavis Maa(2)
Savant sole pragatya(2) revane tire. Maa Ganga ne tire….Om

ત્રંબાવટી નગરી, મા રૂપાવતી નગરી
સોળ સહસ્ત્ર ત્યાં સોહીએ, ક્ષમા કરો ગૌરી, મા દયા કરો ગૌરી … ઓમ
Trambavati nagari Maa Roopavati nagari(2)
Sol sahastra tya sohiye(2) Kshama karo Gauri, Maa daya karo Gauri….Om

શિવશક્તિની આરતી જે કોઇ ગાશે, જે ભાવે ગાશે
ભણે શિવાનંદ સ્વામી, સુખ સંપત્તિ થાશે,
હર કૈલાસે જાશે, મા અંબા દુઃખ હરશે … ઓમ
Shiv Shakti ni aarti je koi gaashe, maa je bhaave gashe,
Bhane Shivanand Swami(2) Sukh sampati thaashe
har Kailase jase, Maa amba dukh harse….Om

એ બે એક સ્વરૂપ, અંતર નવ ગણશો
ભોળા ભવાનીને ભજતાં, ભવસાગર તરશો … ઓમ
 

Ee be ek swarup antar nav dharsho(2)

 Bhola Bhavani ne bhajata(2) Bhavsagar tarsho….Om

***