Comments (17)

By samnvay, August 27, 2008 8:06 am

…મિત્રોનાં જીવનમાં ફરિશ્તા બનીને એમની નિ:સ્વાર્થ – અમુલ્ય મૈત્રીનો રણકાર રણકાવનાર મિત્ર ચિ. નીરજભાઇ ને એમનાં શુભ જન્મ દિને અંત:કરણ પૂર્વક ખૂબ ખૂબ શુભેચ્છાઓ સાથ સ્નેહઆશિષ…

એમની એક પ્રતિભાથી ઘણા મિત્રો હજુ અપરિચિત છે ….આ સાથે જ પ્રસ્તુત છે એમની એક રચના…!! આમ જોઇએ તો એક દિવસ એમણે જ મને આ ઉપહાર આપેલ… પણ મૈત્રીમાં તો થોડી નિર્દોષ અંચાઇ ચાલે ખરુને..?

એટલે આજનાં શુભ દિન નિમિત્તે એ જ ઉપહારની copy+paste

આજ મુબારક, કાલ મુબારક
તમને આજનો અવસર મુબારક.

નવા રૂપ અને નવા રંગ સાથે,
આજનું આ નવું પ્રભાત મુબારક.

નવી આશાઓ ને નવા ઉમંગો,
તમને ખુશીઓનું વ્હાલ મુબારક.

ખીલ્યું છે સૌંદર્ય સૃષ્ટિનું આજે,
તમને સૌ બાગ ને ફૂલ મુબારક.

ભીનાં ભીનાં સબંધોના સગપણ,
ને લાગણીઓનાં સ્પંદન મુબારક.

નયનરમ્ય આજની ઢળતી સાંજે,
આંખોમાં રૂપાળાં સપના મુબારક.

વારંવાર આવે આ શુભદિન એ છે દુઆ,
તમને ખૂબ ખૂબ જન્મદિન મુબારક.

- નીરજ -

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

સાથે જ આ અનોખું-બંધન મિત્રો તરફથી …

Comments (3)

By samnvay, August 24, 2008 1:15 am

દેવકી – યશોદાને ત્યાં બાળકનો જન્મ થયો… હવે રાશિ કઇ આવી..???…લાલનનાં તો અનેક નામ છે ..સાચે જ કનૈયો દરેક રાશિમાં બિરાજે છે … એટલે જે-તે રાશિવાળી વ્યક્તિઓમાં કાન્હાનાં ગુણ છે.. દરેક આત્માની અંદર પરમાત્મા બિરાજે છે…..!

 મુંબઇથી નીતાબહેન કોટેચાએ આ લિસ્ટ મોકલાવ્યું છે…

લાલો કહો તો, મેષ રાશિ આવે (અ,લ, ઇ)

બાલકુષ્ણ કહો તો, વૃષભ રાશિ આવે (બ, વ, ઉ)

ઘનશ્યામ  કહો તો, મિથુન રાશિ આવે (ક છ, ઘ)

હરિ કહો તો, કર્ક રાશિ આવે (ડ,હ)

માધવ, મોરારી, મોહન કહો તો, સિંહ રાશિ આવે (મ,ટ)

પુરુષોત્તમ કહો તો, કન્યા રાશિ આવે (પ,ઠ,ણ)

રથાંગપાણિ, રમાપતિ કહો તો, તુલા રાશિ આવે. (ર,ત)

નટવર, યોગેશ્વર કહો તો, વૃશ્ચિક રાશિ આવે (ન,ય)

ભુધર કહો તો, ધન રાશિ આવે (ભ,ફ,ધ,ઢ)

ગીરિધર કહો તો, કુંભ રાશિ આવે (ગ,શ,સ)

જનાર્દન કહો તો, મકર રાશિ આવે (ખ, જ)

દામોદર કહો તો, મીન રાશિ આવે (દ,ચ,જ,થ)

…………………………………………………………..

હરિ તારા છે હજાર નામ .. તને ક્યા નામે બોલાવીએ..???

આપ સહુને જન્માષ્ટમીની ખૂબ ખૂબ વધાઇ અને જયશ્રીકૃષ્ણ.

Comments (12)

By samnvay, August 16, 2008 12:18 am

રક્ષાબંધન એક એવુ અનોખુંબંધન છે, જ્યાં રાખડીનો કાચા સુતરનો તાંતણો,  ભાઈ-બહેનનાં હેતને જીવનભર બાંધી રાખે છે..ખરેખર ભાઈ બહેનનું હેત અસીમ હોય છે..લોહીની સગાઈ હોય કે ધર્મનાં ભાઈ બહેન …બન્નેનાં બચપણનું રમતિયાળ સહચર્ય તો ભાઈ કે બહેન જીવનભર ભુલી શક્તાં નથી. જેમ નદીનાં એકધારા વહી જતાં નીરને રોક્વા મુશ્કેલ છે..તેમ આ સ્નેહ-સરીતાનાં નીરને પણ રોકી શકાતાં નથી..ચાહે બન્ને એક્બીજાથી  દૂર હોય તો પણ આ સ્નેહ સરીતામાં, આ રક્ષા તણાઇને જલ્દી વીરા પાસે આવી પહોઁચે, તેમાં કેટલો હર્ષ – ઉમળકો હોય છે એ ભાઇ જાણતો જ હોય છે અને એને સ્વીકારતી વખતે ભાઇનાં મનોભાવો કેવાં હોય છે એ પણ બહેન દૂર રહીને પણ અનુભવતી હોય છે…!  ભાઇ બહેનનાં હેત માટે લોક સાહિત્યમાંથી હૃદયને સ્પર્શી જાય એવા કેટલાંય ગીતો મળી આવે છે.. જગતની દરેક ભાષાનાં સાહિત્યકારોએ આ નિ:સ્વાર્થ પ્રેમને અનેક રીતે બિરદાવ્યો છે, છતાં આ અલૌકિક, અનોખાં, નિ:સ્વાર્થ -પાવનકારી સ્નેહનાં વર્ણન માટે જગતનાં મહાકવિઓ – લેખકો કલમ ચલાવે તોય એમાં પૂર્ણતા થોડી જ આવી શકે..?

તેમ છતાં અમુક ગીતો છે જે પ્રખ્યાત છે, અને એમાંનું શ્રીઅવિનાશ વ્યાસ રચિત એક ગીત અંહી પ્રસ્તુત છે .. રક્ષાબંધનનાં અન્ય ગીતો માટે   અંહી ક્લિક કરો

( આ વિડીયો મોકલવા બદલ મિત્ર કૌશલભાઇ ત્રિવેદી – ( જામનગર ) નો  ખૂબ આભાર )

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

કોણ હલાવે લીંબડી ને કોણ ઝુલાવે પીપળી

ભાઇની બેની લાડકીને ભઇલો ઝુલાવે ડાળખી…

 હે…લીંબડીની આજ ડાળ ઝુલાવે, લીંબોળી ઝોલા ખાય,

હીંચકો નાનો બેનનો એવો, આમ ઝુલણ્યો જાય,

લીંલુડી લીંબડી હેઠે, બેનીબા હિંચકે હીંચે… કોણ…

એ પંખીડા, પંખીડા, ઓરા આવો એ પંખીડા,

બેની મારી હીંચકે હીંચે, ડાળીઓ તું ઝુલાવ,

પંખીડા ડાળીએ બેસો, પોપટજી પ્રેમથી હીંચો… કોણ…

હે…આજ હીંચોડુ બેનડી, તારા હેત કહ્યા ના જાય,

મીઠડો વાયુ આજ બેની તારા હીંચકે બેસી જાય

કોયલ ને મોરલા બોલે, બેની નો હીંચકો ડોલે…

કોણ હલાવે લીંબડી ને કોણ ઝુલાવે પીપળી

ભાઇની બેની લાડકીને ભઇલો ઝુલાવે… બેનડી જુલે …ભઇલો ઝુલાવે ડાળખી઼

*

હે… આજ વીરો મારો લાવશે ભાગ …. મીઠાં ફળ લેશું ,

ભાઇ બેનીનાં હેતની આગળ, જગ આખું થશે દૂર..

વીરાંને રાખડી બાંધુ, વીરાંનાં મીઠડાં લેશું… કોણ હલાવે….લીંબડી..!

( આ ગીત મોક્લવા બદલ મિત્ર નીરજભાઇ – રણકાર  ( લંડન ) નો ખૂબ આભાર. )