રંગભરી શુભેચ્છાઓ…

આજે હોળી …આમ તો આજનાં દિવસે સામાન્ય રિવાજ હોય છે કે સગા સબંધીઓ એકબીજા ને ત્યાં મિઠાઇ અથવા રેવડી – બિસ્કીટ મોક્લતાં હોય છે …
પણ આજે એક નવી વાનગી બનાવીએ ..

“સૌ પ્રથમ એક કિલો પ્રેમ લો. એમાં બરાબર બસ્સો ગ્રામ સ્મિત ઉમેરો. આથો ચડી રહે પછી તેમાં ચાર ચમચી વિશ્વાસ અને ત્રીસ ગ્રામ જેટલી સહાનૂભુતી તથા પા લિટર સચ્ચાઇ ઉમેરો. જે મિશ્રણ તૈયાર થાય તેને બરાબર ઘૂંટીને ઘટ્ટ થવા દો. પછી તેમાં એટલાં જ વજન જેટલો આનંદ રેડીને ઠીક-ઠીક સમય સુધી વૈરાગ્યનાં ફ્રીજમાં રાખો. કલાક પછી વિવિધ આકાર બનાવીને, રંગબેરંગી ખુશીઓ નાં દાણાં છાંટી ને દરેક ઘરે જઇ વહેંચવા માંડો.
આ સ્વાદીષ્ટ વાનગીનું નામ છે – ” સુખી-જીવન “..